British European Airways
| British European Airways | ||
|---|---|---|
.svg){kind=logo} | ||
| IATA BE | OACI BEA | Indicativo BEALINE |
| Fundación | 1 de xaneiro de 1946 | |
| Inicio das operacións | 31 de marzo de 1974 | |
| Aeroporto principal | RAF Northolt (ata 1954) Londres-Heathrow | |
| Destinos | Europa, norte de África, Oriente Medio | |
British European Airways (BEA), formalmente British European Airways Corporation, foi unha aeroliña británica que existiu dende 1946 ata 1974.
BEA operou rutas cara Europa, norte de África e Oriente Medio dende aeroportos de todo o Reino Unido.[1] A aeroliña tamén foi o operador británico máis grande, servindo as principais cidades do país, como Londres, Manchester, Glasgow, Edimburgo e Belfast, ademais de áreas das Illas Británicas como as Highlands e as illas de Escocia, as Illas da Canle e a Illa de Man.[2] BEA tamén operou unha rede de rutas internas en Alemaña entre Berlín occidental e Alemaña occidental como parte dos acordos da guerra fría que regulaban a viaxe aérea dentro do país.[3] O eslogan da compañía era "Número un en Europa".
Formada como unha división de British Overseas Airways Corporation (BOAC) o 1 de xaneiro de 1946, BEA converteuse nunha empresa estatal propia o 1 de agosto de 1946.[4]
As súas operacións comezaron dende os aeroportos de Croydon e Northolt, con avións de Havilland DH89A Dragon Rapide e Douglas DC-3.[4]
Tras establecer a súa principal base de operacións en Northolt,[4] BEA operou o seu primeiro servizo dende Heathrow en abril de 1950; a finais de 1954 todas as operación de Northolt movéronse para Heathrow, que permaneceu como principal aeroporto da aeroliña ata a súa fusión con BOAC en 1974.[5]
Durante o ano 1952, BEA transportou ao seu pasaxeiro 1 millón,[5] e a principios dos anos 60 converteuse na quinta aeroliña occidental máis grande, sendo a primeira fóra dos Estados Unidos.[6]
En 1950 BEA operou o primeiro servizo comercial cun avión de turbinas co prototipo do Vickers Viscount 630, nun voo dende Londres a París.[7] A aeroliña entrou na era dos reactores en 1960 co de Havilland DH106 Comet 4B.[8] O 1 de abril de 1964 comverteuse na primeira compañía en operar o DH121 Trident; o 10 de xuño de 1965 un Trident 1C de BEA realizou a primeira aterraxe automática do mundo durante un servizo comercial regular.[9]
Durante a meirande parte da súa existencia, BEA tivo a súa sede no edificio BEAline House en Ruislip, no distrito londiniense de Hillingdon.[10]
BEA deixou de existir como unha entidade legar independente o 1 de abril de 1974 cando foi efectiva a súa fusión con BOAC para formar British Airways. Porén, o seu nome foi revivido por British Airways de 1991 a 2008 cando cambiou o nome dunha filial, British Airways Tour Operations Limited a British European Airways Limited.
Notas
[editar | editar a fonte]- ↑ Classic Aircraft (Gone but not forgotten ... BEA), Vol. 45, No. 6, pp. 44/5, 49 (Jet equipment), Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA: Highlands and Islands – Never on a Sunday), Vol. 45, No. 6, p. 46, Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA: Internal German Services – Berlin-bound), Vol. 45, No. 6, p. 51, Ian Allan Publishing, Hersham, xuño de 2012
- ↑ 4,0 4,1 4,2 Classic Aircraft (Gone but not forgotten ... BEA: Post-war pioneers), Vol. 45, No. 6, p. 45, Ian Allan Publishing, Hersham, xuño de 2012
- ↑ 5,0 5,1 Classic Aircraft (Gone but not forgotten ... BEA means business), Vol. 45, No. 6, p. 47, Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA), Vol. 45, No. 6, pp. 45, 49 (Jet equipment), Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA means business), Vol. 45, No. 6, p. 48, Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA: Jet equipment), Vol. 45, No. 6, p. 48, Ian Allan Publishing, Hersham, xuño de 2012
- ↑ Classic Aircraft (Gone but not forgotten ... BEA: Jet equipment), Vol. 45, No. 6, pp. 50/1, Ian Allan Publishing, Hersham, xuño de 2012
- ↑ "World Airline Directory". Flight International. 28 de setembro de 1967. p. 529. Arquivado do orixinal o 13 de novembro de 2012. Consultado o 11 de febreiro de 2022.
